ՀՀ տարածքում հուլիսի 23-ին և 24-ին ուլտրամանուշակագույն ճառագայթման ինդեքսը սպասվում է նորմայից բարձր
Աննա Անտոնյան Հուլիս 23, 2025
Հայաստանի տարածքում ուլտրամանուշակագույն ճառագայթման ինդեքսը հուլիսի 23-ին և 24-ին սպասվում է նորմայից բարձր։
Ուլտրամանուշակագույն ճառագայթման ինդեքսի նշանակությունն այն է, որ այն օգնում է մարդկանց արդյունավետորեն պաշտպանվել ուլտրամանուշակագույն ճառագայթումից, որն առողջարար է միայն չափավոր քանակությամբ։
Նորմալ մակարդակը համարվում է մինչև 5 միավոր, մինչդեռ այս օրերին ինդեքսը կարող է հասնել 6-7 միավորի, ինչը դասվում է բարձր մակարդակի շարքը։
Վտանգները
Ուլտրամանուշակագույն ճառագայթման բարձր մակարդակը կարող է՝ առաջացնել մաշկի այրվածքներ, մեծացնել մաշկի քաղցկեղի զարգացման ռիսկը, վնասել աչքերը և տեսողությունը, թուլացնել իմունային համակարգը։
Խորհուրդ է տրվում խուսափել արևի ուղիղ ճառագայթներից ժամը 11:00-ից մինչև 17:00։
Ինչպես պաշտպանվել
Եթե դրսում եք՝ մնացեք ստվերում, կրեք լայնեզր գլխարկ, արևային ակնոց, օգտագործեք արևապաշտպան քսուք SPF 30 և բարձր, խմեք շատ ջուր, եղեք զգոն՝ հատկապես երեխաների և տարեցների նկատմամբ։