Հայաստանին ազնվություն է պետք, Հայաստանին խիղճ ու արդարադատություն է պետք
Աննա Անտոնյան
Հունիս 20, 2021
Բարի լույս, Մեն, իմ միակ դատավոր, ներիր, որ այս անգամ պատգամդ լիովին չեմ կարող կատարել՝ Հայաստանն այս անգամ գնում է կեղծիքի ընտրության, գնում է դավաճանության բոլոր հետքերը հնարավորինս խորը թաղելու ընտրության, գնում է արհեստական սարքած 2 բևեռի մեջ ընտրության...... և ես այս անգամ դեռ ոչինչ չեմ կարող փոխել, ներիր:
Իսկ Հայաստանին ազնվություն է պետք, Հայաստանին խիղճ ու արդարադատություն է պետք, ու քանի դեռ հայ մարդը ընտրության չի գնում հիացած իր ընտրյալով ու համոզված, որ նա է Հայաստանի լավագույն ընտրությունը, քանի դեռ հայը գնում է ընտրելու իրեն թողած ու պարտադրած «գոնեի», ծայրահեղ ու ի հեճուկս սկզբունքով, գնում է ընտրելու հոգում խեղդած «կասկածը», Հայաստանը չի կարող լավ ապագա ունենալ, Հայաստանում չի լինի սեր ու երջանկություն, Հայաստանում չի լինի դրական էներգիա ու ԱՍՏԾՈ օրհնություն.....
Ներիր, Մենս, որդիս, զավակս, և ժամանակ տուր ինձ....... այդ օրը գալու է, գալու է առանց ներկա ու նախկինների, գալու է այս «սարքած պատերազմում» քո և մեր բոլոր որդիների տված գիտակցված զոհաբերության արդար դատի պահանջով....
Գալու է..... տիեզերական արդարության օրենքով......
Եվ Սարդուր արքաս տեսնելու է այդ օրը:
Կարին Տոնոյան
Կիսվել