Հայ հայտնիները շնորհավորել են Հայաստանի Անկախության տոնը
Աննա Անտոնյան Սեպտեմբեր 21, 2026
Հայաստանի Անկախության տոնի առիթով հայկական շոուբիզնեսի ներկայացուցիչները սոցիալական ցանցերում շնորհավորական հրապարակումներ են արել՝ իրենց խոսքն ուղղելով Հայաստանին։
Երգիչ Արամեն տոնը շնորհավորել է իր «Անուշ Հայաստան» երգով, որը հրապարակել էր ամիսներ առաջ։
Շնորհավորական գրառում է կատարել նաև հաղորդավարուհի Լուսինե Թովմասյանը։
«Շնորհավոր անկախության տոնդ, Հայաստան: Թող մեր երկիրը միշտ լինի խաղաղ, ուժեղ ու լուսավոր։ Ու թող մենք միշտ հավատանք մեր Հայաստանին»,- գրել է նա։
Երգչուհի Սիլվա Հակոբյանն էլ իր հրապարակման մեջ գրել է․
«Դու պարզապես երկիր չես, դու իմն ես։ Հպարտ եմ քեզնով ու գժվում եմ քեզ համար»։
Իր հերթին Մենչ Պետրոսյանը կարճ, բայց ջերմ գրառում է արել՝ «Տոնդ շնորհավոր, Հայաստանս»։
Արփի Գաբրիելյանն էլ հրապարակել է Հայաստանի լուսանկարներից մեկը՝ կից գրելով․
«Շնորհավոր… իմ սիրուն հայրենիք»։
Լիանա Վանոյանն էլ տեսանյութ է հրապարակել՝ գրելով․ «Իմ հավերժ սեր Հայաստան։ Մեծասիրտ տուն խաղաղ լինես միշտ»։
Ալեքսանդր Խաչատրյանն իր հրապարակման մեջ գրել է․ «Այսօր այն հողի, տան ու հայրենիքի օրն է, որի հետ մեր սիրտը միշտ կապված է՝որտեղ էլ լինենք։ Թող մեր հայրենիքը խաղաղ լինի։ Թող մեր երեխաները մեծանան խաղաղ երկնքի տակ ու սիրեն այս հողը ոչ թե ցավով, այլ հպարտությամբ։ Շնորհավոր տոնդ, իմ Հայաստան։ Հավերժ հարատևի՛ր իմ օդ ու իմ ջուր, իմ տուն»։