Ղազախական ցորենը Հայաստան մատակարարվեց Ադրբեջանի՝ բեռնափոխադրումների սահմանափակումների վերացման արդյունքում
Աննա Անտոնյան Նոյեմբեր 08, 2025
Ինչպես ավելի վաղ հայտնել էինք՝ 1000 տոննա ղազախական ցորենով բեռնված գնացքը ժամանել է Հայաստան՝ անցնելով Ղազախստանի, Ռուսաստանի, Ադրբեջանի և Վրաստանի տարածքով։
«Ցորենի մատակարարումը Հայաստան հնարավոր է դարձել Ադրբեջանի կողմից բեռնափոխադրումների սահմանափակումների վերացման արդյունքում, ինչը նպաստում է տարածաշրջանային հաղորդակցությունների վերականգնմանը և տնտեսական համագործակցության խթանմանը՝ Վաշինգտոնում ձեռք բերված պայմանավորվածությունների համատեքստում:
Օրերս Ադրբեջանի և Վրաստանի տարածքով՝ գնացքով, Հայաստան էր տեղափոխվել նաև ՌԴ-ից ձեռք բերված ցորենը», - ասված է Կառավարության հաղորդագրությունում։
