Երեւանի քաղաքապետին կընտրի ավագանին. ե՞րբ է տեղի ունենալու ատաջին նիստը
Աննա Անտոնյան Սեպտեմբեր 18, 2023
Եթե առաջնորդվելու լինենք նախնական արդյունքներով, ապա ավագանու առաջին նիստը տեղի կունենա հոկտեմբերի 10-ին։ Այս մասին թղթակցի հետ զրույցում հայտնել է սահմանադրական իրավունքի գծով փորձագետ Գոհար Մելոյանը։
«Ձեւավորվում է քաղաքի ավագանի, եւ արդեն ավագանու կազմից ընտրվում է Երեւանի քաղաքապետը։ Ավագանին ունի 65 մանդատ, որոնք կբաշխվեն։ Առաջին նիստի ժամանակ էլ կընտրվի քաղաքապետը»,- ընդգծել է նա։
Մելոյանն ավելացրել է, որ Հայաստանի Կենտրոնական ընտրական հանձնաժողովը ներկայացրել է նախնական արդյունքները, հետեւաբար հնարավոր են բողոքարկումներ, որոշ անճշտություններ։
«Բայց, որպես կանոն, դրանք էական ազդեցություն արդյունքների վրա չեն ունենում»,- պարզաբանել է փորձագետը։