Մեզ մնում է չափավոր լավատեսությամբ հետեւել Բաքվում ծավալվող հիստերիային...
Աննա Անտոնյան Հուլիս 12, 2021
Մեզ մնում է չափավոր լավատեսությամբ հետեւել Բաքվում ծավալվող հիստերիային...
Ադրբեջանում իսկական հիստերիա է առաջացրել այն փաստը, որ այդ երկրում հավատարմագրված ԱՄՆ, Ֆրանսիայի ու Ռուսաստանի դեսպանները մերժել են Շուշի այցելելու Իլհամ Ալիևի հրավերը։
ԱՄՆ ու Ֆրանսիայի դեսպանների վարքագիծը միանգամայն հասկանալի է` պաշտոնական Վաշինգտոնն ու Փարիզը բազմիցս անուղղակիորեն կասկածի տակ են դրել այն համատեքստը, որը ստեղծվել է Նոյեմբերի 9-ի համատեղ փաստաթղթով։
Ռուս-ադրբեջանական հարաբերություններում, թերևս, առկա է ճգնաժամ ու դեսպանի դեմարշը պայմանավորված է այս հանգամանքով։
Բայց Բաքվին առավելապես մտահոգում է այն հանգամանքը, որ ՄԽ համանախագահ երկրները նույնիսկ պատերազմից հետո ԼՂ խնդիրը կարգավորված չեն համարում` հրաժարվելով դառնալ Բաքվի դիվանագիտական- քարոզչական գործողությունների մասնակիցը։
Իհարկե, սա հանգամանք է, որն առայժմ չի ոգեւորում հայկական կողմին, քանի դեռ Հայաստանի սուբեկտությունը ոչնչացված է ու պաշտոնական Երեւանը չի կարող կապիտալիզացնել միջազգային հանրությունից եկող դրական ազդակները։
Մեզ առայժմ մնում է չափավոր լավատեսությամբ հետեւել Բաքվում ծավալվող հիստերիային...
Սուրեն Սուրենյանց