Բաքվի նավթամշակման գործարանում հրդեհ է բռնկվել
Աննա Անտոնյան Մարտ 05, 2025
Ադրբեջանի մայրաքաղաք Բաքվի նավթամշակման գործարանում հրդեհ է բռնկվել, գործարանի անձնակազմը տարհանվում է։
Տեղեկություն է ստացվել Բաքվի Նիզամիի շրջանում գտնվող նավթավերամշակման գործարանի տարածքում բռնկված հրդեհի մասին։
Հրդեհի վայր է ժամանել նաև Ադրբեջանի վարչապետ Ալի Ասադովը։
Ադրբեջանի արտակարգ իրավիճակների նախարարությունը հայտարարել է, որ արագ տեղայնացրել է նավթավերամշակման գործարանի տարածքում բռնկված հրդեհը և կանխել դրա տարածումը` անհրաժեշտ և անհետաձգելի միջոցառումների ձեռնարկման շնորհիվ։
Ներկայում աշխատանքներ են տարվում հրդեհն ամբողջությամբ մարելու ուղղությամբ։
Տուժածների մասին տեղեկություններ դեռևս չեն հաղորդվում։