Այս քաղաքում հարսներն են ծաղիկներ բերում սիրեցյալներին
Աննա Անտոնյան Հունիս 05, 2021
Այս քաղաքում՝ հարսներն են
ծաղիկներ բերում սիրեցյալներին,
Եվ փեսացուները
Ժպտում են փակ աչքերով:
Այս քաղաքում երգերը համրաձայն են,
Աղոթքն արցունքոտ,
Եվ խոստումները հավերժ:
Այս քաղաքում բոլորը
Ծեր են մի գարուն հետո,
Ու երջանիկ են՝ մի աշուն առաջ…
*
Այս քաղաքում զավակները ՆԿԱՐ են,
…Ե´վ մայրերը ՝ ՀԵՐՈՍ….
*
Այս քաղաքում հիշողությունն Աստված է,
Իսկ Աստված՝ թևաթափ,
Իսկ Աստված ծնրադիր ՝
Խնկաբույր ՔԱՐԵՐԻՆ…
Աղավնի Գրիգորյան
ԵՌԱԲԼՈՒՐ` հատված, 《Չքաղված վարդեր》 շարքից
Գրել է զոհված զինվորի մայրը ` Նաիրա Բալայանը իր ֆեյսբուքյան էջում։