Արմավիր քաղաքում փրկարարները կանխել են 77-ամյա տղամարդու ինքնասպանության փորձը

Աննա Անտոնյան Նոյեմբեր 05, 2024

Այսօր՝ նոյեմբերի 5-ին, արտակարգ դեպք է տեղի ունեցել Արմավիրի մարզում: Ժամը 10:50-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Արմավիր քաղաքի Մաշտոցի փողոցի շենքերից մեկի բնակարանի պատշգամբից քաղաքացին մասամբ կախված է և հնարավոր է՝ ցանկանում է ինքնասպանություն գործել, հաղորդում է Shamshyan.com-ը:

Օպերատիվորեն ժամանել են Արմավիրի հրշեջ-փրկարարական ջոկատից 1 մարտական հաշվարկ: 

Փրկարարներին հաջողվել է կանխել 77-ամյա տղամարդու ինքնասպանության փորձը, ով գտնվել է ալկոհոլի ազդեցության տակ: 

Դեպքի փաստով համայնքային ոստիկանության Արմավիրի բաժնում փաստաթղթեր են ձևակերպվում: 

Կիսվել