Հայաստանի իշխանությունները նոյեմբերի 10֊ից սկսած բծախնդրորեն դոշով պահում են չարաբաստիկ հայտարարության՝ Ադրբեջանին ձեռնտու կետերը

Աննա Անտոնյան Նոյեմբեր 11, 2021

Հայաստանի իշխանությունները նոյեմբերի 10֊ից սկսած բծախնդրորեն դոշով պահում են չարաբաստիկ հայտարարության՝ Ադրբեջանին ձեռնտու կետերը:

Միևնույն ժամանակ սվաղում, մոռացության մատնում մեր շահերից բհող դրույթները՝ գերիների անհապաղ ազատ արձակումը, զորքերի՝ այդ պահին գտնվելու վայրից առաջ չշարժվելու պարտադրանքը: 

Գորիս֊Կապան ճանապարհին, ինչպես նաև Իշխանասարում և այլ տեղերում տեղի ունեցող խայտառակությունը զորքերի՝ իրենց տեղում մնալու կարևոր կետի խախտման արդյունքում առաջացած իրավիճակի արդյունք է: 

Սահմանային մաքսակետ դրվում է միայն փաստաթղթային հիմք ունեցող սահմանին: 

Սահմանազատում/սահմանագծում իրականացնելու համար ստեղծված է աշխատանքային խումբ, որն էլ, արդյունքները պիտի ներկայացնի երկու պետությունների ժողովրդին: Նման բան չի արվել, պաշտոնական որևէ հիմք չկա, որ այդ մաքսակետը համարվի օրինական:

Բայց արի ու տես, որ գտնվում են հայաստանցիներ, որ զբաղվում են Ադրբեջանի թույլ տված այս խախտումներն արդարացնելով՝ մեղավոր հանելով ռուսին, մեզ, բայց ոչ երբեք Ադրբեջանին: 

Ես կարող եմ հասկանալ պարտությունը, կարող եմ հասկանալ Հայաստանի՝ իր ողբերգության ժամին միայնակ մնալը և այս փուլում սեփական շահերը ուժով պաշտպանել չկարողանալը: Բայց երբեք չեմ հասկանա Ադրբեջանի արածների փաստաբանության ստանձնած դերը, մեր շահերը գոնե միջազգային, իրավական դաշտում հետապնդել չփորձելը:

Դա ոչ այլ ինչ է ինձ համար, քան մեզ պարտադրված սցենարի սիրահոժար սպասարկում:

Գրում է Իզաբելլա Աբգարյանն իր ֆեյսբուքյան էջում 

Կիսվել