Մեծ Բրիտանիան ճանաչել է Իրաքում եզդիների ցեղասպանությունը
Աննա Անտոնյան Օգոստոս 01, 2023
Մեծ Բրիտանիան ճանաչել է եզդիների ցեղասպանությունն Իրաքում, այն իրականացրել է «Իսլամական պետությունը»։ Այս մասին նշվել է Բրիտանիայի դեսպանության կայքում հրապարակված հայտարարությունում։
«Այսօր մենք պատմական քայլ ենք կատարել՝ ճանաչելով, որ եզդի ժողովրդի դեմ կատարվել է ցեղասպանություն»,- տեքստում մեջբերվել են Միացյալ Թագավորության արտաքին գործերի փոխնախարար, լորդ Թարիք Ահմադի խոսքերը։
Այս տարվա հունվարին եզդիների դեմ կատարված հանցագործությունները ցեղասպանություն ճանաչելու օգտին քվեարկել էր Գերմանիայի խորհրդարանը։